Policia e Kosovës raporton se kanë ndaluar një veturë në fshatin Novosellë të Kamenicës me targa të huaja, e cila dyshohet se ka hyrë ilegalisht në Kosovë nga Serbia.

Sipas policisë, shoferi ishte kosovar dhe pasagjeri shtetas i huaj, shkruan Arbresh.info.

Në konsultim me prokurorin të dyshuarit janë liruar në procedurë.

“Fsh. Novosellë, Kamenicë / 30.11.2025 – 21:25. Njësiti policor gjatë kontrollit ka ndaluar automjetin me targa të huaja të cilin kishte qenë duke e drejtuar i dyshuari mashkull kosovar, dhe pasagjeri i dyshuar mashkull shtetas i huaj. Të dyshuarit në mënyrë ilegale përmes rrugës jashtë vendkalimit kufitar dyshohet se nga territori i Serbisë kanë hyrë në territorin e Kosovës. Në konsultim me prokurorin është inicuar lënda e rastit, të dyshuarit janë liruar në procedurë të rregullt’, thuhet në raportin 24 orësh të PK./Arbresh.info